Ómerkingar við ritstjórn

Það er misskilningur að DV hafi glatað trausti sem fjölmiðill eftir Kastljósið í gær. Þetta blað hefur ekki notið neins trausts, eins og glögglega hefur komið fram í könnunum. Sem von er; þetta blað er ekki bara ómerkilegt, það er beinlínis óheiðarlegt. Þannig að þegar þeir feðgar Reynir og Jón Trausti reyna að setja sig á háan hest og predíka sjálfstæði og heiðarleika í blaðamennsku veldur það engu nema fyrirlitningarhlátri.
Þegar Reynir Traustason reynir að ljúga sig út úr vandræðum sínum og bera rangar sakir á fyrrum blaðamann sinn, afhjúpar hann sitt rétta eðli. Og sonurinn er bersýnilega ekki föðurbetrungur í þessum málum. Þeir eiga auðvitað ekki að vera við stjórn á dagblaði, nema það hafi þá viðmiðun að verða íslensk útgáfa af sneplum á borð við bresku Star, Mail og önnur slík. Sé það metnaðurinn hefur þeim tekist vel upp. Þeir stýra blaði sem er á góðri leið með að fara á hausinn vegna þessarar stefnu.

Breyttur leiðari DV

Athugasemdir

[J.Þ.A (IP-tala skráð) 16.12.2008 kl. 19:17]

Já, eplið féll ekki langt frá eikinni.  Ef eigendur DV hafa ekkert meira álit á sínum lesendum en þetta, að bjóða svona ritstýringu.  þetta er verra en sorpritin í Svíþjóð og Danmörku kalla þau nú ekki allt ömmu sína.

[garún (IP-tala skráð) 16.12.2008 kl. 22:02]

Þetta er nú meira grísaliðið

[Leifur Finnbogason, 17.12.2008 kl. 06:43]

Í öll þau skipti sem ég hef vitað eitthvað um þau mál sem um hefur verið fjallað í DV - þ.e. haft áreiðanlegar heimildir um málin - hefur frásögn DV yfirleitt stangast heiftarlega á við mína vitneskju.