Fín grein hjá Stefáni Jóni

Stefán Jón Hafstein skrifar fína grein og tímabæra í Moggann í morgun, um endalok R-listans sáluga. Þau Svandís Sv. og Steingrímur Joð hafa verið að reyna að þvo hendur vinstri grænna af því máli með því að skrifa söguna eftirá og kenna auðvitað öllum öðrum en sjálfum sér um. Þau sýna réttmæti þess sem sagt hefur verið, að getur verið erfitt að horfast í augu við sjálfan sig, sérstaklega þegar maður er búinn að forklúðra þeirri ímynd sem maður vill skapa af sjálfum sér. Við sem sátum í fulltrúaráði Samfylkingarinnar í Reykjavík á liðnum árum vitum hvernig VG virtist vinna markvisst að því að eyðileggja þetta samstarf. Kannski var það ekki síst sú reynsla sem gerði það að verkum að það voru ekki allir áfjáðir í að taka upp samstarf við VG eftir Alþingiskosningarnar, - ég a.m.k. treysti þeim ekki.
Steinunn Valdís boðaði grein um þetta sama efni, - endalok R-listans, - í viðtali við Moggann um daginn; ég er áreiðanlega ekki einn um að bíða í ofvæni.

Athugasemdir

[Marta B Helgadóttir, 26.6.2007 kl. 10:45]

Tek undir það  Stefán er fínn pistlahöfundur og með heilsteyptari stjórnmálamönnum.